Куба пойтахти Гавана шаҳрида жойлашган Coliseo Ciudad Deportiva спорт мажмуасида 5 май, пайшанба куни (Тошкент вақти билан 6 май тонгида) Бутунжаҳон бокс серияси (WSB)нинг VI мавсум ярим финалида Ўзбекистоннинг Uzbek Tigers боксчилари Кубанинг Cuba Domadores жамоасига қарши биринчи жангини ўтказди.
Бутунжаҳон бокс серияси расмий сайтининг маълум қилишича, Uzbek Tigers жамоаси дастлабки кунда бўлиб ўтган барча жангларда кубалик рақибларига имкониятни бой берди.
Cuba Domadores — Uzbek Tigers 5:0
-49 килограмм: Жоханис Аргилагос – Нодиржон Мирзаҳмедов 3:0 (50:43, 50:44, 50:44)-56 килограмм: Робейси Рамирез – Муроджон Аҳмадалиев 3:0 (49:46, 49:46, 48:47)
-64 килограмм: Луис Олива Генер – Фазлиддин Ғоибназаров 3:0 (49:46, 49:46, 49:46)
-75 килограмм: Арлен Лопес – Улуғбек Ҳақбердиев (кубалик боскчи 1-раундда техник нокаут билан зафар қучди)
-91 килограмм: Эрисланди Савон – Мирзабек Ҳасанов 3:0 (50:44, 50:43, 50:43)
Бугун, 6 май куни Cuba Domadores ва Uzbek Tigers жамоалари ўртасида иккинчи ярим финал беллашувлари бўлиб ўтади. Унда қуйидаги боксчилар ўзаро жанг ўтказади.
-52 килограмм: Ёсбани Вейтиа – Аброржон Қодиров
-60 килограмм: Лазаро Эстрада Алварес – Элнур Абдураимов
-69 килограмм: Рониэл Эглесиас – Маҳмуд Ғоипов
-81 килограмм: Жулио Ла Круз – Шуҳрат Абдуллаев
+91 килограмм: Лениер Перо Жастиз – Мирзоҳиджон Абдуллаев
«Оламспорт»нинг маълум қилишича, икки кунлик жанглар натижасига кўра ҳисоб тенг бўлиб қолса, унда ғолиб жамоани аниқлаш учун қўшимча жанг ўтказилади. Унда -60 килограмм вазн тоифасида Улуғбек Дўсмуродов кубалик Армандо Мартинез Рабига қарши рингга кўтарилади.
Маълумот ўрнида, Бутунжаҳон бокс сериясининг иккинчи ярим финалида Қозоғистоннинг Astana Arlans жамоаси Буюк Британиянинг British Lionhearts боксчиларига қарши баҳс юритади.
Изоҳ (0)