Таиландда қайд этилган 40 даражали иссиқ ҳаво 20 дан ортиқ кишининг ўлимига сабаб бўлди, дея хабар бермоқда «ТАСС» юқумли касалликлар назорати бўйича департаментга таяниб.
Шифокорлар маълумотларига кўра, 1 мартдан 17 апрелгача бўлган даврда қироллик ҳудудида офтоб уриши натижасида 29 ёшдан 72 ёшгача бўлган 21 киши ҳалок бўлди.
Апрель Таиландда доим энг иссиқ ойлардан бири бўлиб келган, аммо бу йил у қироллик аҳолиси учун фавқулодда оғир кечмоқда: термометр устуни бир неча ҳафталардан буён ҳар куни Цельсий бўйича 40 даражага интилмоқда.
Таиланд метеорология департаменти раҳбари сўзларига кўра, апрелда кузатилган энг юқори ҳарорат 44,3 даражага тенг бўлган. Метеокузатувлар тарихида мамлакат ҳудудидаги бундан юқори бўлган ҳарорат 1960 йилда қайд этилган, ўшанда термометр устуни 44,5 даражагача кўтарилган.
Синоптиклар Таиланддаги ҳаво майнинг биринчи ярмида салқинлашишини прогноз қилмоқда.
Изоҳ (0)