БМТ Хавфсизлик кенгаши ёпиқ учрашув давомида Шимолий Корея томонидан амалга оширилган баллистик ракеталарнинг муваффақиятсиз учирилишини муҳокама қилади. Бу ҳақда кенгаш аъзоларидан бўлган давлат дипломатларидан бири маълум қилди, дея хабар беради «ТАСС».
«Ёпиқ маслаҳатлашувлар АҚШ сўровига биноан Суриядаги гуманитар вазият бўйича йиғилишдан кейиноқ бўлиб ўтади», — дея таъкидлаган агентлик манбаси.
Жанубий Корея миллий мудофаа вазирлиги КХДР 28 апрель, пайшанба куни 4 минг километр масофани қамраб олишга қодир ўрта радиусдаги, «Мусудан» туркумига мансублиги айтилаётган баллистик ракеталарнинг иккита муваффақиятсиз синовини амалга оширганини маълум қилди. Шимолий Корея армиясида 30 га яқин шундай ракета борлиги тахмин қилинади.
Изоҳ (0)