«Реал» Чемпионлар Лигаси ярим финалида «Манчестер Сити»ни мағлуб эта олмади

Футбол бўйича Европа Чемпионлар Лигаси ярим финалидан жой олган биринчи учрашувда Англиянинг «Манчестер Сити» ва Испаниянинг «Реал» клублари голсиз дуранг натижага имзо чекди.

Мазкур жамоалар Европа Чемпионлар Лигасининг 2011/12 йилги мавсуми гуруҳ босқичида ҳам ўзаро тўқнаш келганди. Ўша йили Etihad стадионидаги ўйинда 1:1 ҳисоби қайд этилган бўлса, Мадридда «Реал» 3:2 ҳисобида муваффақият қозонган.

Қайд этиш керак, жароҳатидан эндигина фориғ бўлган Криштиану Роналду «Сити»га қарши учрашув қайдномасидан жой олмади. Бош мураббий Зинедин Зидан клуб етакчисининг жароҳати қайталиши мумкинлигини инобатга олиб, таваккал қилишни истамади.

• Фото: «Манчестер Сити»га қарши ўйнамайдиган Криштиану Роналду айнан ҳозир нима билан банд?

Мадрид шаҳрида бўлиб ўтадиган жавоб ўйини 4 май санасига тайин қилинган. «Манчестер Сити» ўз майдонида гол ўтказиб юбормагани инобатга олинса, «Сантьяго Бернабеу»даги ҳар қандай голли дуранг Англия клубини ЕЧЛ финалига олиб чиқади.

• «Манчестер Сити» — «Реал Мадрид» 0:0. Матнли онлайн

Европа Чемпионлар Лигаси Ярим финал беллашуви 26 апрель, сешанба

«Манчестер Сити» — «Реал Мадрид» 0:0

«Манчестер Сити»: Жо Харт, Бакари Санья, Венсан Компани, Фернандо, Серхио Агуэро, Хесус Навас (Раҳим Стерлинг, 77), Кевин де Брюйне, Давид Сильва (Калечи Ихеаначо, 40), Гаэль Клиши, Фернандиньо, Николас Отаменди.«Реал Мадрид»: Кейлор Навас, Пепе, Серхио Рамос, Тони Кроос, Карим Бензема (Хесе, 46), Гарет Бэйл, Марсело, Каземиро, Даниэль Карвахаль, Лукас Васкес, Лука Модрич.