General Motors бир миллиондан ортиқ Chevrolet Silverado ва GMC Sierra 1500 пикапларини қайтариб олишини маълум қилди. Бу ҳақда «РБК» хабар бермоқда.
Reuters маълумотларига кўра, автомобиллар қайтариб олинишига хавфсизлик камарларидаги нуқсон сабаб бўлди. Компания улар бирор маротаба ҳам автоҳалокат ёки шикастланишга олиб келмаганини даъво қилмоқда.
Мазкур кампания доирасида GM дилерлари 2014—2015 йилларда чиқарилган АҚШ ҳудудидаги салкам 900 минг, мамлакатдан ташқарида сотилган тахминан 142 минг дона Chevrolet Silverado ва GMC Sierra 1500 пикаплари хавфсизлик камарлари маҳкамлаш қисмларини ўнглашига тўғри келади. GM мутасаддилари бунинг учун кетадиган харажатлар салмоқли бўлмаслигини билдирмоқда.
Изоҳ (0)