13 апрель, чоршанба куни Ўзбекистон Республикаси ташқи ишлар вазири Абдулазиз Камилов Тошкент шаҳрига навбатдаги ШҲТга аъзо давлатлар Хавфсизлик кенгашлари котибларининг йиғилишида қатнашиш учун ташриф буюрган Шанхай ҳамкорлик ташкилотининг бош котиби Рашид Алимовни қабул қилди. Бу ҳақда вазирлик матбуот хизмати хабар бермоқда.
Учрашувда ШҲТ кун тартибининг долзарб масалалари, Ўзбекистоннинг ташкилотдаги раислиги доирасида бўлиб ўтадиган тадбирларга тайёргарлик кўриш юзасидан фикр алмашилди. Ўз ишини бошлаётган Хавфсизлик кенгашлари котибларининг йиғилиши бўлажак ШҲТ давлат раҳбарлари кенгашининг юбилей саммити учун муҳим босқич эканлиги такидлаб ўтилди.
Суҳбат чоғида Тошкент шаҳридаги ШҲТ тадбирларида имзоланиши кутилаётган ҳужжатлар лойиҳалари ҳам муҳокама қилинди.
Изоҳ (0)