АҚШнинг Калифорния штатида истиқомат қилувчи эркак қояга чиқиб, севган қизига турмуш қуришни таклиф қилганидан сўнг уни вертолёт ёрдамида қутқаришга тўғри келди. Бу ҳақда Fox News хабар қилди.
27 ёшли Майкл Жон Пол Бэнкс 180 метр баландликдаги Морро қоясига кўтарилиб, у ердан севган қизи билан видеоқўнғироқ функциясига эга FaceTime дастури орқали гаплашди. Севган қизи унинг таклифига рози бўлгач, Майкл пастга тушишга уриниб кўрди, аммо тузоққа тушиб қолганини тушунди.
Ўт ўчириш хизмати вакили Тодд Гэйлининг сўзларига қараганда, қутқарувчилар воқеа жойига етиб келганида йигит 24 метр баландликдаги қиялик четида турарди. Ўт ўчирувчи вертолётдан тросс ёрдамида тушиб, уни ўзига боғлади ва хавфсиз жойга етказди.
Изоҳ (0)