Ўзбекистон халқ артисти, марҳум Нуриддин Ҳайдаровнинг ўғли, ёш хонанда Ҳожиакбар Ҳайдаров отасининг машҳур «Дўлана» қўшиғини қайта куйлаган, аммо унинг ижросидаги қўшиқ, шунингдек, унга ишланган клип кескин танқидларга учраганди. Ёш санъактор «7х7» газетаси билан суҳбатда ушбу танқид сўзларига жавоб қайтарди, деб хабар бермоқда «Даракчи.uz».
«Тўғри, қўшиқ ёши катта тингловчиларга манзур бўлмади. ‘Қўшиқни бузиб ижро этибди’, деган танбеҳларни ҳам эшитдим. Аммо бунинг ўзига хос сабаби бор. Дадамнинг ‘Юлдузим’ қўшиғини ўзидек ижро этганимда, устозлар ‘Ижрода ўзига хослик йўқ’, дейишди. Агар ‘Дўлана’ни ҳам худди ўзидек ижро этганимда, у ёшлар ҳам тинглайдиган қўшиқ бўлмасди. Шу сабабли мусиқа ва ижро услубини замонавийлаштирдик», — деб тушунтирди Ҳожиакбар.
«Шу кунгача биронта клипни экран қаршисида ўтириб, охиригача томоша қилмаганман. Чунки қайси саҳнадан кейин қайсиниси келишини яхши биламан. ‘Дўлана’га ишланган клипнинг ўзига хослиги шундаки, кадрлар ёдингизда қолмайди. Эътиборни жалб қилиб, ‘Клип қандай якунланаркин?’ деган савол томошабинни ўйлантиради», — деб қўшимча қилди у.
Изоҳ (0)