Аввал хабар берганимиздек, Вақтинчалик бир марталик иш билан таъминлаш маркази тўғрисидаги намунавий низомда энди бошқа минтақалардан келган фуқаролар учун вақтинчалик бир марталик иш билан шуғулланиш ҳуқуқини берувчи гувоҳнома берилиши белгилаб қўйилди. Ушбу янгилик фуқароларда кўплаб саволларни юзага келтиргани туфайли, Меҳнат вазирлиги пойтахтга бошқа шаҳарлардан келган шахсларга гувоҳнома берилиши ва уларнинг ишга жойлашиши ҳақидаги баъзи масалаларга аниқлик киритди, деб ёзади «Norma.uz».
Хусусан, унда айтилишича, Кириш, чиқиш ва фуқароликни расмийлаштириш бўлимида рўйхатдан ўтган фуқаро Тошкентда ва Тошкент вилоятида вақтинчалик бир марталик иш билан шуғулланиши мумкин.
Тошкент шаҳрида вақтинчалик ёки доимий пропискага эга бўлган фуқаро Меҳнат вазирлигининг бандликка кўмаклашиш туман ёки шаҳар марказлари қошидаги вақтинчалик бир марталик иш билан таъминлаш марказларига қуйидаги манзиллар бўйича мурожаат қилиши мумкин:
- Учтепа тумани — Саккокий кўчаси, 64, телефон: 247-71-30;
- Чилонзор тумани — Кичик ҳалқа йўли («Абу Сахий» бозори яқинида), телефон: 279-48-08;
- Яшнобод тумани — Тошкент ҳалқа йўли, Қўйлиқ даҳаси, телефон: 523-36-32;
- Шайхонтоҳур тумани — Тошкент ҳалқа йўли, Ибн Сино даҳаси, 2, телефон: 218-49-23;
- Юнусобод тумани — Юнусобод-16, 16А, телефон: 706-22-52;
- Сирғали тумани — Сирғали, Спутник-17, 16, телефон: 257-71-63;
- Олмазор тумани — Форобий кўчаси, 1, телефон: 947-66-94;
- Мирзо Улуғбек тумани — Мирзо Улуғбек кўчаси, 1, 263-81-21.