Анқара Қорабоғ можаросида Бокуни қўллаб-қувватлашни давом эттиради. Бу ҳақда Туркия президенти Ражаб Тоййиб Эрдўғон Қизил Ярим ойнинг турк бўлинмаси бош ассамблеяси йиғилишидаги чиқишида маълум қилди, деб хабар беради «ТАСС».
«Мен дўстим (Озарбайжон президенти) Илҳом Алиевга можаронинг авж олиши муносабати билан ҳамдардлик билдирдим. Одамларнинг ҳалок бўлаётганлиги муносабати билан ҳарбийлар ва бутун Озарбайжон халқига ҳамдардлик билдиришда давом этаман, чунки у ерда бугун ҳам кураш давом этмоқда ва фаол ҳарбий ҳаракатлар олиб борилмоқда», — деди у.
Эрдўғон Туркия доим Озарбайжон томонида бўлганлиги ва Қорабоғ масаласида уни қўллаб-қувватлашда давом этишини эслатиб ўтди.
«Биз Қорабоғнинг босиб олиниши ва у ерда одамларнинг ҳалок бўлиши туфайли юракдан оғриқни ҳис этмоқдамиз. Бироқ шуни айтиб ўтмоқчиманки, бир куни Қорабоғ албатта Озарбайжонники бўлади», — деди Туркия президенти.
Изоҳ (0)