Россияда полиция ходимлари касаба уюшмаси раҳбари Михаил Пашкин «РСН» радиосига берган интервьюсида ички ишлар вазирлигига Павел Дуровдан Telegram мессенжерини сотиб олишни ёки мулоқот учун ўзининг ишончли воситасини яратишни таклиф қилди, деб ёзади TJournal. Пашкиннинг сўзларига кўра, ИИВнинг хизмат тизимлари жуда заиф.
«Полициячилар учун мессенжерлар — тезкорлик билан ахборот алмашиш учун ягона усул, демак, улар мессенжерлардан фойдаланишга қўйилган тақиқни тўлиқ ижро эта олмайди», — деди Пашкин.
Нашр эслатишича, аввалроқ Москва полициячиларига Telegram, Viber, WhatsApp ва Skype орқали хизмат маълумотлари билан бўлишиш, шунингдек, Instagram, Twitter, Facebook, «ВKонтакте» ва «Одноклассники» орқали иш билан боғлиқ ҳар қандай маълумотларни юбориш тақиқлангани хабар берилган эди. Тақиқ Gmail.com, Mail.ru ва Rambler.ru’даги электрон почта қутиларига ҳам тааллуқли. Энди Москва ИИВ ходимлари фақат муассасанинг расмий электрон почтасидан фойдаланиши мумкин.
Изоҳ (0)