Ямандаги жанговар ҳаракатлар чоғида исёнчи хусийларга асир тушган тўққиз нафар саудия арабистонлик Яманнинг қироллик билан чегарадош ҳудудларидаги операциялар чоғида Саудия томонидан қўлга олинган 109 нафар Яман фуқаросига айирбошланди. Бу ҳақда араб коалицияси тарқатган баёнотга таяниб, AFP хабар бермоқда, деб ёзади «ТАСС».
Хабарда асирга тушган саудияликлар ҳарбий ёки оддий фуқаро бўлгани, шунингдек, қайтарилган яманликлар исёнчи хусий ёки тинч аҳоли вакиллари бўлганига аниқлик киритилмаган.
Бу араб коалицияси ва хусийлар ўртасида иккинчи марта асирлар айирбошланишидир. Бундай операциянинг биринчиси 9 март куни ўтказилган, ўшанда бир нафар саудиялик ҳарбий хизматчи тўққиз нафар исёнчи эвазига қайтариб олинган эди.
Изоҳ (0)