Ўзбекистон Республикаси Олий Мажлиси Сенати бешинчи ялпи мажлиси 2016 йил 31 март куни соат 10:00 да Тошкент шаҳрида, Сенатнинг мажлислар залида очилади. Бу ҳақда ЎзА хабар берди.
Мажлисда иштирок этадиган Сенат аъзолари 30 март куни соат 9:00 дан 18.00 га қадар бинонинг фойесида рўйхатга олинади.
Ялпи мажлис тўплаш тўғрисидаги қарор Сенат Кенгашининг 9 март куни ўтказилган мажлисида қабул қилинган эди.
Сенатнинг ялпи мажлисида мамлакат ижтимоий-сиёсий ва социал-иқтисодий ҳаётини ислоҳ қилиш ҳамда либераллаштиришга қаратилган бир қатор қонунлар, жумладан, «Парламент назорати тўғрисида»ги, «Бухгалтерия ҳисоби тўғрисида»ги (янги таҳрири), айрим қонун ҳужжатларига ўзгартиш ва қўшимчалар киритиш тўғрисидаги қонунлар, айрим идоралар ва муассасалар ҳисоботлари, шунингдек, Сенатнинг прокуратура органлари фаолиятини назорат қилувчи комиссияси таркиби тўғрисидаги масала кўриб чиқилади.
Изоҳ (0)