Ўзбекистон — Баҳрайн учрашувини БААдан ташриф буюрган ҳакам Муҳаммад Абдуллоҳ Ҳасан бошқаради

29 март, сешанба куни Ўзбекистон миллий терма жамоаси 2018 йил Россияда бўлиб ўтадиган жаҳон чемпионатининг 2-саралаш босқичи сўнгги тури доирасида Баҳрайнни қабул қилади. ЎФФ матбуот хизмати беллашув ҳакамлари номини эълон қилди.

Учрашув 18:00 да Амирликлардан бўлган Муҳаммад Абдуллоҳ Ҳасаннинг ҳуштаги билан бошланади. Унга қанотларда ҳамюртлари Юсуф Абдулла Ал-Ҳаммад ва Ҳасан Абдулла Ал-Ҳамри ёрдам беради.

«Worldreferee.com» статистикасига кўра, Муҳаммад Абдуллоҳ Ҳасан Ўзбекистон терма жамоалари иштирокидаги 3 та ўйинда ишлаган. 2011 йил Ўзбекистон ёшлар терма жамоаси Покистон устидан 3:0 ҳисобида ғалаба қозонган бўлса, орадан 3 йил ўтиб Осиё чемпионатида КХДРдан 0:5 ҳисобида енгилган.

Ўзбекистон миллий терма жамоаси 2015 йилги Осиё кубогининг гуруҳ босқичида Хитойдан 1:2 ҳисобида мағлуб бўлганида ҳам Муҳаммад Абдуллоҳ Ҳасан ҳакамлик қилган.

ЖЧ—2018. 2-саралаш босқичи 29 март, сешанба

Ўзбекистон — Баҳрайн

• Ўзбекистон терма жамоаси Филиппин билан ўйинда муҳим уч очкони қўлга киритди

• ЖЧ—2018 саралашидаги Ўзбекистоннинг гуруҳдаги рақиблари баҳсида Баҳрайн Яманни мағлубиятга учратди

• Ўзбекистон ЖЧ—2018 йўлланмаси курашидан чиқиб кетиши учун 29 мартда нима бўлиши керак?