Жаҳон чемпионати—2018 ва Осиё Кубоги—2019 қўшма саралаш турнирида Ўзбекистон миллий терма жамоасининг бўлажак рақиби Баҳрайн Яманга қарши ўйинда йирик ҳисобда зафар қучди.
Учрашувнинг 32-дақиқасида Исмоил Абдулатиф пенальтидан мезбонларни ҳисобда олдинга олиб чиққан бўлса, иккинчи бўлимда Яман термаси яна иккита гол ўтказиб юборди — 3:0. Томонларнинг биринчи давра доирасида Доҳа шаҳрида бўлиб ўтган ўйинида Баҳрайн 4:0 ҳисобида муваффақият қозонганди.
Баҳрайн — Яман — 3:0 (1:0)
Голлар: Исмоил Абдулатиф, 32-пен (1:0). Абдулваҳоб Ал-Малуд, 64 (2:0). Муҳаммал Ар-Румаий, 90+1 (3:0).Мазкур ғалабадан кейин Баҳрайн терма жамоаси очколари сонини 9 тага етказиб, «H» гуруҳида 3-ўринга кўтарилиб олди. 7 та ўйинда 18 очко жамғарган Ўзбекистон миллий терма жамоаси гуруҳда карвонбошилик қилаётган бўлса, КХДР 16 очко билан 2-ўринга жойлашган.
29 март, сешанба куни КХДР Манилада Филиппин меҳмони бўлади. Тошкент шаҳрида эса Ўзбекистон ва Баҳрайн терма жамоалари ўзаро ҳисоб-китоб қилади.
9-турга қадар Ўзбекистон терма жамоаси ўз гуруҳида 2-ўринда бораётган жамоалар орасида яхшироқ натижа кўрсатишга ҳаракат қилиб келаётганди. Самвел Бабаян жамоаси гуруҳ пешқадамига айлангач, эндиликда КХДР термаси бу муаммо қаршисида қолди. Айни пайтда кореяликлар ўз гуруҳида 2-ўринда бораётган жамоалар ичида тўртинчи бўлиб турибди.
Изоҳ (0)