«Барселона» жамоаси мухлислари клуб стадиони «Камп Ноу»ни афсонавий голландиялик футболчи ва мураббий Йохан Кройфф шарафига номлашни таклиф қилди ва Twitter’да махсус #EstadiJohanCruyff ҳештегини яратди, деб хабар беради «Чемпионат».
Ўпка саратонига қарши бир неча йилдан буён кураш олиб борган Йохан Кройфф кеча, 24 март куни 68 ёшида вафот этди.
Шунингдек, Manifest Blaugrana номли мухлислар гуруҳи «Камп Ноу» стадионининг кириш қисмларидан бирида Йохан Кройфф ҳайкалини ўрнатиш ҳамда музей номини унинг шарафига ўзгартириш таклифи билан чиқди.
Йохан Кройфф футболчи сифатида 1973 йилдан бошлаб беш йил давомида «Барселона» сафида ўйнаб, бир мартадан Испания чемпиони ва Испания Кубоги соҳиби бўлди. Футболчилик фаолиятини якунлаганидан сўнг, у 1988 йилдан 1996 йилга қадар «Барселона» бош мураббийи сифатида ишлаган. Ушбу вақт мобайнида Кройфф каталонияликларни тўрт карра Испания чемпиони, уч карра Испания Суперкубоги ва Испания Кубоги соҳибига айлантирди. Шунингдек, голландиялик мутахассис қўли остида «Барселона» Чемпионлар Лигаси ва УЕФА Суперкубоги соҳиби бўлган.
Изоҳ (0)