Туркиянинг «Лира» юк кемаси Россия томонидан Керч бўғозида қурилаётган кўприкни шикастлади. Ҳодиса 19 март, шанба куни рўй берган, бироқ бу ҳақда энди ошкор қилинмоқда, дея хабар беради «Газета.ru».
«Тамань» федерал автомобиль йўллари бошқармасидаги манбанинг билдиришича, кема Тузла ороли ва кемалар йўли ўртасидаги 2-ишчи кўприк устунига урилган. Бунинг оқибатида 80-устун яроқсиз ҳолга келган, 79-устунда шикастланишлар бўлиши мумкин. Шунингдек, иккита маёқ қозиқоёғи ишдан чиққан, 79 ва 81-устунлар эса қийшайган. Кема шикастлаган кўприк асосий иншоот — Керч бўғозини кесиб ўтадиган кўприк қурилишига юкларни етказиш учун ёрдамчи иншоот саналади.
«Лира» Turkuaz Shihhing Corp компаниясига тегишли бўлиб, кемани Туркия фуқароси бошқарган. Тўқнашув оқибатида экипажнинг тўққиз нафар аъзоси орасида жабрланганлар бўлмагани билдирилмоқда.
Изоҳ (0)