Буюк Британиянинг Суррей графлигида яшовчи аёл ўзининг чихуахуа итига аксессуарлар ва кийим-кечак сотиб олиш ҳамда пардоз-андоз учун 30 минг фунт стерлинг (42 минг доллардан зиёд) сарфлади. Бу ҳақда Daily Mail хабар бермоқда.
2013 йили Жозефина Картер ва унинг қизи Келли Квини лақабли итни харид қилди. Ўшандан бери аёл Квинига мунтазам равишда турли-туман матоҳлар сотиб олишдан чарчамайди, уни массажга олиб боради, тирноқларини парваришлайди. Хонимнинг айтишича, ўткинчилар сайр чоғи уларни танийди, ити билан бирга суратга тушиш ҳақида кўп илтимос қилади.
«Мен Квинининг гардеробига ўзимникига қараганда кўпроқ маблағ сарфлайман. Шундай бўлса-да, ўзимни бундан тия олмайман», — дейди 50 ёшли Картер.
Изоҳ (0)