Apple 21 март, душанба куни қурилмаларининг охирги моделларини намойиш этиши кутилмоқда. Улар айнан қайси гаджетлар эканлиги ҳозирча сир сақланмоқда, бироқ америкалик экспертлар гап янги iPhone se смартфони ва iPad Pro планшет компьютери ҳақида кетаётганини билдирмоқда. Бу ҳақда «ТАСС» хабар берди.
Тақдимот маросими компаниянинг Калифорния штати, Купертино шаҳридаги штаб-квартирасида маҳаллий вақт билан 10:00 да (Тошкент вақти билан 22:00) бошланади. Apple тахминан икки ҳафта аввал етакчи техник экспертлар ва техника янгиликларига ихтисослашган маҳаллий нашрлар журналисларига тадбир таклифномаларини жўната бошлади. Тақдимот ўтадиган зал атиги 300 кишига мўлжалланган, қолганлар уни интернет-трансляция орқали кузатиши мумкин. Олдинлари компания бундай маросимларни ҳозиргидан кўра анча катта майдонларда ўтказарди.
Appleinsider портали маълумотларига кўра, компания маросимда ўзининг Apple Watch «ақлли соатлари» дизайнининг янги варианти, шунингдек, янги дастур ва сервисларни ҳам тақдим этиши кутилмоқда.
Изоҳ (0)