Хонанда Манзура 14 март куни 42 ёшда оламдан ўтган ҳамкасби Шаҳнозабонунинг дафн маросимида эстрада вакилларидан деярли ҳеч кимни кўрмаганини маълум қилди. Бу ҳақда «Sayyod.com» хабар берди.
«Instagram’да ‘опажоним’лаб унинг ўлими билан кенг оммани ‘табриклаган’ларнинг бирортаси жанозага келмади. Фақатгина Даврон Кабуловни кўрдим, раҳмат унга. Шу йигитдан сал хафа эдим, аммо шу куни ҳурматим ошди. Мен, Ирода Дилроз ва радиобошловчи Ширин Ғофуровалар бор эдик. Майли, давлат тадбири билан банддир, десанг, шу куни давлат тадбири йўқ эди, тўй десанг ҳам ҳозир у даражада тўй мавсуми эмас. Бирор жойи оғриб қолгандир десанг, наҳотки ҳаммасиники ёппасига бирдан айнан шу куни оғриб қолган бўлса?!», — деди хонанда.
«Дуторчилардан бор дейишди. Унинг ‘гапчи’лари-чи, қайда қолди? 2–3 кун ўтиб Мавлуда опа Умида опани олиб борганини эшитдим. Аммо қолганлар қани? Шунча одам Instagram’га (таъзиянома) қўйганини кўрдим, шулардан қани энди бирортаси келган бўлса. Биласизми... Бир рейтинги баланд хонанданинг онаси ўлганида ҳаммаси ўша ерда эди. Машҳур бўлсанг шу, ўлимга ҳам ‘понт’ учун ҳамма борар экан», — қўшимча қилди хонанда.
Изоҳ (0)