Ўзбекистон жаҳоннинг энг бахтли давлатлари рейтингида 49-ўринни эгаллади. Бу ҳақда БМТ буюртмасига асосан тайёрланган World Happiness Report 2016 ҳисоботида айтилди, деб хабар бермоқда UzDaily.
Баҳолашнинг асосий критерийлари сифатида экспертлар олти омилни инобатга олди: аҳоли жон бошига реал ЯИМ, соғлом ҳаёт давомийлиги, яқинларга суяниш имконияти, ҳаётий қарорлар қабул қилиш эркинлигининг субъектив даражаси, коррупциядан ҳимояланганлик даражаси ва сахийлик.
Ҳисоботда келтирилган маълумотларга кўра, Ўзбекистон 5,987 индекси билан 2016 йилда собиқ Иттифоқ ҳудудидаги энг бахтли давлат деб топилди. Ўтган йилги рейтингда республика 44-ўринга қўйилган эди.
Ўзбекистон Қозоғистон (54-ўрин), Россия (56), Литва (60), Беларусь (61), Туркия (78), Португалия (94), Украина (123) сингари давлатларга нисбатан юқорироқ натижа қайд этди.
Рейтингнинг энг юқори поғоналарини Дания (1-ўрин), Швейцария (2), Исландия (3), Норвегия (4) ва Финляндия (5) эгаллади. АҚШ 13-ўрин билан кифояланди.
Изоҳ (0)