Мадриднинг «Реал» ва Италиянинг «Наполи» жамоаларининг собиқ устози, испаниялик мутахассис Рафаэль Бенитес «Ньюкасл» клубининг янги бош мураббийи этиб тайинланди, деб хабар бермоқда «Uff.uz».
Бенитес 11 март, жума куни «Ньюкасл» раҳбарияти томонидан истеъфога чиқарилган Стив Маклареннинг ўрнини эгаллади. Аввалроқ, ушбу лавозимга «Манчестер Юнайтед» ва «Реал Сосьедад»нинг собиқ устози Дэвид Мойес ҳамда «Ливерпул»нинг собиқ бош мураббийи Брендан Рожерс номзодлари ҳам кўриб чиқилган эди.
Маълумот учун, Англия чемпионати 28-туридан сўнг «Ньюкасл» жамоаси 24 очко тўплаган ҳолда, турнир жадвалида 19-ўринни эгаллаб турибди.
Эслатиб ўтамиз, 55 ёшли Бенитеснинг сўнгги иш жойи Мадриднинг «Реал» клуби бўлган. У жорий йилнинг 5 январь куни Мадрид клуби бош мураббийлигидан озод этилган эди.
Изоҳ (0)