Ўзбекистон Меҳнат вазирлигининг Ташқи меҳнат миграцияси масалалари агентлиги оммабоп Telegram мессенжерида ўз канали (@migrationuz) ва боти (@migrationuzbot)ни ишга туширди, дея хабар бермоқда «Газета.uz» вазирлик ахборот хизматига таяниб.
Вазирлик Ахборот-компьютер марказининг ушбу ишланмалари аҳоли учун қўшимча қулайликлар яратишга қаратилган.
Бот ёрдамида агентликнинг миграция, лицензиялаш ва шахсий шартномалар бериш бўйича бўлимларига тақдим этиш учун зарур бўлган шакл ва бланкаларни юклаб олиш, шунингдек, раҳбариятнинг қабул куни ва соатларини билиб олиш мумкин. Бундан ташқари, кўп бериладиган саволлар жавобларидан хабардор бўлиш мумкин.
Агентлик каналига обуна бўлган ҳолда эса, фойдаланувчилар унинг фаолияти билан боғлиқ сўнгги янгиликларни кузатиб боради.
Изоҳ (0)