Донбассдаги низолар бошидан буён АҚШ Украинага 265 миллион долларлик ёрдам кўрсатган. Бу ҳақда мудофаа вазири ёрдамчиси Майкл Карпентер маълум қилди, деб ёзади «Корреспондент.net».
«Низо бошланганидан буён АҚШ Украинага 265 миллион долларлик кўмак тақдим этди. Ушбу маблағлар ҳарбий машғулотлар ўтказишга ҳамда радар қурилмаларидан тортиб, қоронғиликда кўриш ускуналари, рациялар, автомобиллар, патруль қайиқларигача бўлган турли асбоб-ускунларга йўналтирилди», — дея таъкидлади у.
Шу билан бирга, Карпентер фикрича, кўмакни ўлим келтирувчи ёки ўлим келтирмайдиган турларга ажратиш тўғри эмас. «Украина келажакда қандай ҳарбий имкониятларга эга бўлишини тушуниш керак. Бизнинг вазифамиз — Украина кучларини ўқитиш, уларни янада жангга тайёр қилиш, кейинроқ эса — НАТО стандартларига мослаштиришдан иборат», — дея қўшимча қилди Карпентер.
Изоҳ (0)