Россиянинг Воркута шаҳар суди «Шимолий» конида юз берган авария оқибатида жасадини юқорига олиб чиқишнинг имкони бўлмаган кончиларни ҳалок бўлган деб топиш ҳақида қарор чиқарди. Бу ҳақда «Интерфакс» хабар беради.
Суд матбуот хизматининг маълум қилишича, 4 март куни барча 26 нафар ҳалок бўлган кончининг ўлимини тасдиқловчи қарор чиқарилган.
Қарор нусхалари ижро этилиши учун ФҲДЁ, Пенсия жамғармаси, Ижтимоий суғурта жамғармасига берилди. Ҳалок бўлганларнинг оилаларига эса қарорлар почта орқали юборилган.
Эслатиб ўтамиз, Россиянинг Воркута шаҳридаги «Олимп» спорт комплексида бир неча минг киши «Шимолий» конида ҳалок бўлган тўрт нафар кончи билан хайрлашиш учун келганлиги маълум қилинган эди.
Изоҳ (0)