Pixar студиясининг тўлиқ метражли «Бошқотирма» («Inside Out») мультфильми АҚШ киноакадемиясининг «Оскар» мукофотини қўлга киритди, дея хабар бермоқда «РИА Новости».
«Энг яхши анимацион фильм» йўналишида, «Бошқотирма»дан ташқари, Британия ва Франция ижодкорларининг «Қўзичоқ Шон» («Shaun the Sheep Movie»), Бразилиянинг «Бола ва олам» («Boy & the World»), шунингдек, «Аномализа» («Anomalisa») ва «Марнининг хотиралари» («When Marnie Was There») мультфильмлари ғолиблик учун даъвогар эди.
«Оскар» мукофотининг 88-тақдимоти Тошкент вақти билан 29 февраль куни Лос-Анжелесдаги «Долби» кинотеатрида бўлиб ўтди.
Изоҳ (0)