АҚШ ҳукумати Американинг баъзи банкларини Россия суверен облигацияларини тарқатишни ташкил қилишда иштирок этмаслик ҳақида огоҳлантирди, чунки бу Россияга нисбатан амалда бўлган санкцияларни бузиш демакдир. Бу ҳақда вазиятдан хабардор манбаларига таяниб, The Wall Street Journal хабар бермоқда, деб ёзади «Ведомости».
Газета маълумотларига кўра, банкларга бундай огоҳлантириш санкциялар киритилганидан буён биринчи марта берилган. Қоидаларда бундай тақиқ қайд этилмаган, бироқ АҚШ давлат департаменти тушунтиришича, Россияга маблағ қидиришда ёрдамлашиш Вашингтон сиёсатига зиддир.
Энди банкирлар ушбу операцияда қатнашишдан келадиган фойда таваккал қилиб ҳукуматнинг сиёсий огоҳлантиришларига риоя этмасликка арзиш-арзимаслигини аниқлашга уринмоқда.
Изоҳ (0)