Москванинг «Локомотив» жамоаси футболчиси Дмитрий Тарасов Европа Лигасининг нимчорак финали доирасида «Фенербахче»га қарши Истанбулда ўтказилган учрашув якунида майдонни Россия президенти Владимир Путин сурати туширилган футболкада тарк этди, деб хабар бермоқда Meduza сайти.
Учрашув якунлангач, Тарасов жамоа футболкасини ечган, шунда унинг остида Путиннинг ҳарбий либосда тушган сурати ҳамда «Энг хушмуомала президент» ёзуви жойлаштирилган бошқа футболка борлиги маълум бўлган.
«У менинг президентим, – деди футболчи ‘Р-Спорт’га берган интервьюсида. – Мен уни ҳурмат қиламан ва ҳар ерда қўллаб-қувватлашга тайёрлигимни кўрсатмоқчи эдим».
УЕФА қоидалари мусобақалар иштирокчиларига сиёсий баёнотлар беришни тақиқлайди, шу боис «Локомотив»га нисбатан чоралар кўрилиши мумкин.
Изоҳ (0)