Ўтган ой охирги 135 йил ичида энг иссиқ январь бўлиб, янги иқлим рекордини ўрнатди. Бунда ўртача статистик даражадан 1,13 даража иссиқроқ бўлганлиги қайд этилди. Бу ҳақда Climate Central лойиҳаси иқлимшунослари маълумотига таяниб, «РИА Новости» хабар беради.
Ўтган йил турли ташкилотлар томонидан берилган баҳолар бўйича, кузатувлар тарихидаги энг иссиқ йил бўлганлиги қайд этилган эди. Янги 2016 йил ҳам шу анъанани давом эттириб, ўтган январь ойи метеорологик кузатишлар тарихидаги энг иссиқ январь бўлди. Сайёранинг ҳаво ҳарорати тўртинчи ой кетма-кет меъёрдан бир даражага юқори бўлиб келмоқда.
Олимларнинг қайд этишича, ҳаво ҳароратининг ўзгармаганлиги ёки тушиши фақат Антарктида, Африка шарқи, Скандинавия ва Сибирь жанубида кузатилган.
Дунёнинг бошқа барча минтақаларида ҳарорат одатдагидан 1—4 даражага кўтарилган.
Изоҳ (0)