Тошкентда футзал бўйича 2016 йилги Осиё чемпионати старт олди. Мусобақа «А» ва «Б» гуруҳларидаги 10 февралдаги баҳслар билан бошланди.
Ўзбекистон футзал терма жамоаси ўрин олган «А» гуруҳида дастлаб Ливан ва Қирғизистон ўртасида ўйин бўлиб ўтди. Ўйин 4:4 ҳисобидаги дуранг натижа билан якунига етди.
«Б» гуруҳи 1-тур учрашувлари доирасидаги Ироқ — Хитой учрашувида ироқлик футзалчилар йирик — 6:1 ҳисобида ғалаба қозонди. 1-тур доирасидаги гуруҳнинг иккинчи ўйини 10 февраль куни Эрон ва Иордания термалари ўртасида бўлади.
Маълумот учун, 10 февраль куни футзал бўйича Ўзбекистон миллий терма жамоаси ҳам мусобақадаги юришини бошлайди. Ўйин Тошкент вақти билан 19:00 да бошланади.
Футзал бўйича Осиё чемпионати—2016 «А» гуруҳи, 1-тур учрашуви
Ливан — Қирғизистон 4:4Голлар: Муҳаммад Кобайсий (23, 32), Али Тниеч (24), Ҳасан Зайтун (28) — Руслан Ермаков (3), Уланбек (9), Мақсадбек Алимов (25, 40).
«Б» гуруҳи, 1-тур учрашуви
Ироқ — Хитой 6:1 Голлар: Воҳид Холид (13, 30), Ҳусайн Али (18), Рафид Ҳамид (25), Саиф Абдулмалик (35, 37) — Ванг Хонвей (19).
Изоҳ (0)