Фаррух Дўстов Бергамодаги теннис турнирини ғалаба билан бошлади

Ўзбекистоннинг иккинчи рақамли теннисчиси Фаррух Дўстов Италиянинг Бергамо шаҳрида давом этаётган «Челленжер» туркумига кирувчи турнирдаги иштирокини ғалаба билан бошлади, деб хабар беради «Оламспорт».

Мусобақанинг мукофот жамғармаси 42 500 еврони ташкил қилади.

Қуръа натижасига кўра ўзбекистонлик теннисчи илк даврада турнирнинг тўртинчи ракеткаси Босния ва Герцеговина вакили Мирза Басичга қарши кортга чиқди. Уч сет давом этган қийин учрашувда Дўстов кучли рақибини 4:6, 6:3, 6:4 ҳисобида мағлуб этди.

Таққослаш учун, 29 ёшли Дўстов дунё рейтингида 164, 24 ёшли Basicҳ эса 109-ўринни эгаллаб турибди. Энди Фаррух Дўстов иккинчи даврада франциялик Грегор Барререга қарши кортга чиқади. Бу теннисчи дунё рейтингида 170-поғонадан жой олган.