Ракетага ўрнатилган камера унинг қўнишини тасвирга олди (видео)

Blue Origin хусусий аэрокосмик компанияси эгаси Жефф Безос кўп марта фойдаланишга мўлжалланган New Shepard ракетаси қўнишининг видеосини эълон қилди, деб хабар беради «Корреспондент.net».

Намойиш этилган синов Техасдаги полигонда 2016 йил 22 январда амалга оширилган. Ўшанда New Shepard ракетаси ва космик кема 101,7 км юқорига учганди.

Шу тариқа Blue Origin кўп марта фойдаланишга мўлжалланган ракета яратган биринчи компанияга айланди.

Эслатиб ўтамиз New Shepard 2015 йилнинг 23 ноябрида илк бор парвоз қилиб, Ер устидан 100,5 км баландликка кўтарилган ва вертикал қўнишни амалга оширган тарихдаги биринчи ракета бўлганди.