Бутан — расмий дини, «диний мероси» тантра буддизми бўлган дунёдаги ягона давлат, деб ёзади The jizn нашри. Шу туфайли ҳукумат ҳар бир фуқаронинг бахтли бўлишига интилишни ўзининг асосий мақсади деб билади: бу Конституциянинг 9-моддасида белгилаб қўйилган. 2008 йилда Умуммиллий бахт комиссияси тузилди.
«Сиз бахтлимисиз?» деган савол аҳолини рўйхатга олиш чоғида берилади. 2005 йилда ўтказилган сўнгги рўйхатга олиш вақтида аҳолининг 45,2 фоизи бу саволга «жуда бахтлиман», 51,6 фоизи «бахтлиман» ва фақат 3,3 фоизигина «унчалик бахтли эмасман» дея жавоб берган.
Бундан ташқари, Бутанда ялпи ички маҳсулот тушунчаси «ялпи миллий бахт» кўрсаткичи билан алмаштирилган. Бу — Бахт вазирлиги бўлган ягона мамлакат, деб ёзади нашр.
Мамлакатда ҳайвонларни ўлдириш ва овлаш, кимёвий ўғитлардан фойдаланиш, дарахтларни кесиш тақиқланган. Қироллик ўзини озиқ-овқат маҳсулотлари ва кийим-кечак билан тўлиқ таъминлайди. Шу билан бирга, фуқароларнинг деярли барчаси миллий либос — кхо кийиб юради.
Изоҳ (0)