Собиқ иттифоқ халқ артисти Владимир Зельдин 101 ёшлигини Россия армияси Марказий академик театри саҳнасида нишонлайди. Бу ҳақда театр матбуот хизмати маълумотига таяниб, «ТАСС» хабар беради.
Зельдин 1915 йилнинг 28 январь куни туғилган, бироқ янгича йил ҳисоби бўйича унинг туғилган куни 10 февралга тўғри келади.
«Бу кунда Владимир Михайлович унга бағишланган «Мураббий билан рақс» спектаклида бош ролни ижро этади», — дейилади театр матбуот хизмати хабарида.
Владимир Зельдинни ҳақли равишда афсонавий одам деб аташади. Чунки дунё театр тажрибасида 100 ёшида ҳам роль ижро этувчи бошқа актёр йўқ.
Унинг театрдаги ишлари ичида Лопе де Веганинг «Рақслар мураббийи» комедияси алоҳида ўрин эгаллайди. Зельдин унда минг мартадан ортиқ роль ижро этган. Кинода эса у «Карнавал кечаси», «Ўнта негр боласи», «31 июнь», «Ваня амаки» фильмлари орқали томошабинлар ёдида қолган. Зельдин, шунингдек, телесериаллар ва «Ералаш»да ҳам суратга тушган.
Изоҳ (0)