АҚШ расмийлари мамлакат ва унинг ташқарисида фаолият олиб борган йирик наркогуруҳнинг 19 нафар аъзосини қўлга олиш бўйича махсус операция ўтказди. Жиноятчиларнинг эҳтимолий етакчиси, 33 ёшли америкалик Оуэн Хэнсон ўтган йил сентябрида қамоққа олинганди. Бу ҳақда «ТАСС» хабар бермоқда.
Ҳибсга олишлар Калифорния, Луизиана ҳамда Виргиния штатларида амалга оширилган. Жиноий гуруҳ аъзолари турли наркотик моддалар, жумладан, героин сотиш ва бундан тушган маблағни сохта компаниялар орқали легаллаштириш, ноқонуний спорт тотализаторини ташкил этишда айбланмоқда.
Расмийлар маълумотига кўра, гуруҳ АҚШ, Австралия ҳамда Жанубий Американинг бир қатор мамлакатларида фаолият олиб борган.
Изоҳ (0)