АҚШ ҳарбий-ҳаво кучлари уч ходимининг хатоси туфайли Колорадо штати шимоли-шарқидаги бункерда жойлашган ядро каллакли ракетага зарар етди, деб ёзади «ТАСС».
Associated Press хабарига кўра, ҳодиса 2014 йил 17 майда юз берган ва ички текширувга сабаб бўлган. Воқеа аҳоли хавфсизлигига таҳдид солмаган, зарарланган ракета бункердан олиб чиқиб кетилган.
Агентлик манбаси таъкидлашича, гап Minuteman III қитъалараро баллистик ракетаси ҳақида бормоқда, у мунтазам диагностика чоғида «ишга яроқсиз ҳолатга келиб қолган». Мутахассисларнинг навбатчи жамоаси раҳбари носозликларни қидириш чоғида техник кўрсатмаларга тегишли тарзда риоя қилмаган ва ракетага зиён етказган. Ракетани таъмирлаш ишлари 1,8 миллион долларга баҳоланмоқда.
Изоҳ (0)