Хитой Нурсултон Назарбоевни G20 саммитига таклиф қилди
Хитой 2016 йилнинг 4—5 сентябрь кунлари Ханчжоу шаҳрида бўлиб ўтадиган G20 саммитига Қозоғистон президенти Нурсултон Назарбоевни таклиф қилди. Бу ҳақда Хитойнинг республикадаги элчиси Чжан Ханьхуэйнинг журналистларга берган маълумотига таяниб, «ТАСС» хабар беради.
«Бизга яхши маълумки, ўтган 2015 йилда ҳамкорлигимиз янги сифат даражасига чиқди. Президентлар томонидан мамлакатлар ўртасида ташрифлар амалга оширилди, Қозоғистон бош вазири Хитойга икки марта расмий ташриф буюрди. Биз бу йил ҳам олий даражадаги алоқаларнинг ушбу йўналишини қўллаб-қувватлаймиз ва сизнинг президентингиз раисимиз Си Цзиньпиннинг таклифига асосан Хитойга боради, деб ўйлайман», — деди дипломат.
Элчининг сўзларига қараганда, Назарбоев сентябрь ойида G20 саммитида иштирок этади.
