Ўзбекистон ҳудудида 2016 йилнинг дастлабки икки ҳафтаси давомида интенсивлиги 2 баллдан юқори бўлган камида олти зилзила сезилди. Сўнгги йиллар учун ноодатий ҳисобланган бундай сейсмик фаоллик сабаблари ва оқибатлари юзасидан «Дарё» интернет-нашри Ўзбекистон Фанлар академияси Сейсмология институтига мурожаат қилди.
Институт директори Сабриддин Ҳусамиддиновнинг «Дарё»га маълум қилишича, Марказий Осиё, хусусан, Ўзбекистон ҳудуди тектоник жиҳатдан Осиё—Ўртаер денгизи сейсмик камарининг марказий қисмида жойлашган.
«Мазкур камар ҳозирги вақтда фаоллашув босқичида бўлиб, тахминларга кўра, фаоллик 2018 йилга қадар давом этади», — дейди Сабриддин Ҳусамиддинов.
Институт мутахассисларининг қайд этишича, Осиё—Ўртаер денгизи камарининг аввалги фаоллашуви 1971—1988 йилларда кузатилган.
Изоҳ (0)