Швеция ҳақида 15 ғаройиб факт

TravelAsk Швеция мамлакати ҳақида бир қатор қизиқарли, ғалати ва номаълум фактларни тўплади. Уларнинг баъзиларига ақл бовар қилмайди.

— Швецияда ота-она, агар улар фарзандли бўлса ёки бола асраб олса, пули тўланадиган 480 кунлик таътилга чиқиш ҳуқуқига эга.

— Швециянинг Twitter’даги расмий саҳифаси — @Sweden бошқаруви ҳар ҳафта мамлакатнинг бир фуқаросига «бошқариш учун» тақдим этилади — «бошқарувчи» қуръа асосида аниқланади.

— Швеция, Буюк Британия ва Финляндия паспорти билан жаҳоннинг аксарият мамлакатларига визасиз кириш мумкин.

— Швециянинг 89 фоизи аҳолиси инглиз тилида мулоқот қила олади.

— Швецияда болаларга Икеа ёки Элвис деб исм қўйиш тақиқланган.

— Швецияда ўрта мактаб ўқувчиларига ойига 187 доллар миқдорида стипендия тўланади.

— Стокгольм ва Хелсинки оралиғида қатновчи бир круиз кемасига одамлар арзон алкогол ичимликларни сотиб олиш учунгина чиқади.

— Швецияда чиқиндилар тамом бўлган, шу сабабли мамлакат чиқиндиларни Норвегиядан импорт қилинади.

— Absolut Vodka алкогол бренди 2008 йилга қадар Швеция ҳукуматига тегишли эди — ҳукумат ушбу брендни 8,3 миллион доллар эвазига Пернод Риcард компаниясига сотган.

— Машҳур ABBA гуруҳи аъзолари, камроқ солиқ тўлаш мақсадида, саҳнага кулгили либослар кийиб чиқарди. Гап шундаки, Швеция қонунчилигига кўра, агар иш кийимини ҳар куни кийиш имконсиз бўлса, уни сотиб олиш учун сарфланган маблағни даромаддан чиқариб ташлаш мумкин.

Стокгольм 14 орол устида бунёд этилган ва шаҳар маркази амалда сув устида туради.

— Данияликлар яҳудийларни бетараф Швецияга оммавий кўчириш ҳаракатини бошлагани сабаб, Иккинчи жаҳон уруши вақтида даниялик яҳудийларнинг 99 фоизи омон қолган.

— IKEA компанияси диванлар, стол ва токчаларни Швециядаги турли географик жойлар номи билан, каравот, шкафлар ва даҳлиз мебелларини Норвегиядаги жой номлари билан, гиламларни эса Даниядаги жой номлари билан, катта стол ва стулларни эса Финляндиядаги маконлар номи билан атайди.

— Қуёш тизимининг жаҳондаги энг катта макети Швецияда жойлашган, унинг масштаби 1:20 000 000.

— Швед тили 2009 йилга қадар расмий давлат тили ҳисобланмаган.