2015 йил 29 декабрь куни Ўзбекистон Республикаси Президенти Ислом Каримов «Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида»ги Қонунга имзо чекди. Бу ҳақда «Xushnudbek.uz» хабар бермоқда.
Мазкур ҳужжат асосида, 6 та Кодекс ва 28 та Қонунга ўзгартиш ва қўшимчалар киритилди.
Хусусан, Жиноят кодексига шаҳарсозлик билан боғлиқ янги жиноят тури киритилди.
Мазкур қўшимчага биноан, эндиликда белгиланган тақиқларни (чекловларни) бузган ҳолда биноларни, иншоотларни ёки бошқа объектларни қуриш, реконструкция қилиш ва капитал таъмирлаш, шундай ҳаракатлар учун маъмурий жазо қўлланилганидан кейин содир этилган бўлса, жиноий ҳаракат сифатида баҳоланади.
Бундай ҳолатда жавобгар ҳисобланган шахс энг кам ойлик иш ҳақининг 30 бараваридан 50 бараваригача миқдорда жарима ёки уч йилгача ахлоқ тузатиш ишлари билан жазоланади.
Қонуннинг тўлиқ матни билан www.lex.uz сайтида танишиб чиқишингиз мумкин.
Изоҳ (0)