«Ўзбекистон почтаси» АЖ томонидан тайёрланган «Орол денгизи офати» номли почта маркаси Ўзбекистон Республикаси ахборот технологиялари ва коммуникацияларини ривожлантириш вазирлиги томонидан 2016 йил 5 январидан муомалага киритилди, дея хабар бермоқда «Ўзбекистон почтаси» акциядорлик жамияти.
«Орол денгизи офати» номли почта маркаси Бутунжаҳон почта иттифоқининг тавсиясига биноан «Орол денгизи экологик офати оқибатларини юмшатиш» мавзусига бағишланган бўлиб, почта блоки кўринишида чоп этилган.
Почта маркасида Орол денгизи экологик офати тасвирланган. Почта блокида «Орол денгизи экологик офат оқибатларини юмшатиш» сўзлари лотин графикасида ёзилган.
Почта маркаси бир неча рангда ишланган. Офсет усулида босилган. Перфорацияси тароқсимон. Қоғози оқ силлиқ. Почта маркасининг ўлчами 52×37 мм. Почта блокининг ўлчами 100×80 мм. Адади 7 минг нусха.
Идентификация рақами берилган ва номинали ўрнатилган.
Изоҳ (0)