8 январь куни кечки пайт соат 19:30 ларда Каниза Тошкентдаги Amaretto Restaurant олдига ўзининг шахсий Porsche Cayenne машинасини қўйиб, дугоналари билан овқатланиб, соат 21:00 ларда қайтиб чиққанида машинасининг орқа ойнаси синдирилиб, унинг бир қанча қимматбаҳо буюмлари ва пуллари ўғирлаб кетилганини кўрди, деб хабар беради «Sayyod.com».
Канизанинг ўзи ўғирланган буюмлари рўйхатига аниқлик киритди.
«Машинам ичида 2,5—3 миллион сўмлик Cavalli сумкам, 10 минг АҚШ долларлик Vertu телефоним, 400 АҚШ долларлик Fleur Narcotique атири, булар ҳаммаси менга совға қилинганди, ва яна қимматбаҳо ҳамён ҳамда 300 мингча сўмимни ўғирлаб кетишди», — деди хонанда.
Каниза ушбу ҳодиса юзасидан милицияга мурожаат қилмаслигини таъкидлаб ўтди.
«Бундан аввал ҳам бошқа машиналаримдан 4—5 маротаба шундай ўғирлатиб қўйганимда, уларга мурожаат қилганимда, ёрдам бера олишмаганди, шу сабаб ҳам яна беҳуда ёзув-чизувлар билан вақтимни кетказмай дедим. Бошқа тарафдан концерт ва тўйим олдидан бош кўзимиздан садақа дедим, лекин энди бундан буёғига машинамда ҳеч нарса қолдирмайдиган бўлдим. Борган жойимга керак бўлса машинамдаги ҳамма нарсамни кўтариб олиб кирсам кираманки, лекин энди бошқа нарса қолдирмайман», — деди Каниза.
Эслатиб ўтамиз, 28 апрель куни Каниза туғилган куни, тўйи ва концертини ўтказмоқчи.
Изоҳ (0)