5 январнинг муҳим янгиликлари — «Дарё»нинг кечки дайжестида.
1. «Газпром» раҳбари 2016 йилда Ўзбекистондан харид қилинадиган газ ҳажми ошишини тасдиқлади. Олдинроқ «Газпром»даги манба Россия 2016 йилда Ўзбекистондан харид қиладиган газ ҳажми Туркманистон ўтган йили етказиб берганига (3,1 миллиард куб метр) нисбатан кўп бўлишини маълум қилганди.
2. Саудия Арабистони 47 нафар қатл этилганлар устидан бўлган судни адолатли деб атади. Саудия Эрон билан барча алоқаларни чек қўйгани яна бир бор алоҳида таъкидланди, айни вақтда, муносабатларни тиклаш шартлари маълум қилинди, БМТ Хавфсизлик Кенгаши эса Саудия Арабистонининг Эрондаги элчихонасига қилинган ҳужумларни қоралади.
3. Тошкентда 30 та янги маҳалла ташкил этилди. Масалан, «Авиасозлар» маҳалласидан «Фазогир», «Қўрғонтепа» маҳалласидан эса «Тепақўрғон» деган янги маҳаллалар ажралиб чиқди.
4. Зинедин Зидан «Реал» бош мураббийи Рафаэль Бенитеснинг ўрнини эгаллади. У жамоа билан соврин қўлга киритмоқчи эканлигини айтди, унинг биринчи машғулотини томоша қилиш учун 6 мингдан ортиқ томошабин келди ва болалигида «Барселона»га мухлислик қилгани ҳақида хабар негадир бугун пайдо бўлди.
5. Сервер Жепаров «Локомотив» билан шартнома имзолади. Кимдир Ўзбекистон чемпионлиги учун январдаёқ катта қадам ташлади, дейишяпти футбол ичи ва атрофидаги мутахассислар.
Изоҳ (0)