3 январь куни австралиялик ва америкалик актёр, режиссёрлик иши учун «Оскар» совриндори Мел Гибсон 60 ёшга тўлди, дея хабар бермоқда «Газета.ru».
У она ватани Австралияда 70 йиллар охирида киноларда суратга тушишни бошлади, «Тим» мелодрамаси ва, айниқса, «Телба Макс» жангари фильмлари орқали танилди. Бироқ ижодий фаолиятидаги ҳақиқий муваффақиятни унга «Шерюрак» фильми келтирди. Ўзи режиссёрлик қилган ва бош ролни ўйнаган фильм «Оскар» мукофотини ўнта номинациядан бештасида қўлга киритди.
2000 йилларга келиб, Гибсон бор эътиборини режиссёрликка қаратиб, «Исо эҳтироси» ва «Апокалипсис» фильмларини суратга олди.
Сўнгги йилларда актёр ижодда кўринмай қолди, бироқ 2016 йилда у «Виждон амри билан» номли ҳарбий драма орқали катта кинога қайтишга тайёрланмоқда.
Изоҳ (0)