Мадриднинг «Реал» клуби ярим ҳимоячиси Хамес Родригес жамоанинг машғулот базасига кетаётиб, йўлда ўз автомобили тезлигини соатига 200 километргача оширди, дея хабар бермоқда «Корреспондент.net».
Audi маркасидаги машинани миниб кетаётган Хамес полициянинг йўл четида тўхташ ҳақидаги ишорасини эътиборсиз қолдирган.
Охир-оқибат, полиция футболчини клуб базасигача таъқиб қилиб борган, бироқ у ерга уларни база қўриқлов хизмати киритмаган. Вазиятни тушунтириб бергач, полициячилар базага киришга муваффақ бўлган, у ерда «Реал» машғулотлари тугашини кутиб турган. Шундан сўнг Хамесни полиция машинасида олиб кетишган.
Колумбиялик ҳеч қандай огоҳлантиришларни эшитмаганини айтмоқда. Родригес жаримага тортилиши ва ҳайдовчилик гувоҳномасидан айрилиши мумкин.
Изоҳ (0)