АҚШ Миллий хавфсизлик агентлиги, президент Барак Обаманинг ўз иттифоқдошлари устидан жосуслик қилишни тўхтатиш ҳақидаги ваъдаларига қарамай, Исроил расмий шахслари, шу жумладан, бош вазир Биньямин Нетаньяху фаолиятини кузатишда давом этмоқда. Бу ҳақда The Wall Street Journal’га таяниб, «Интерфакс» хабар бермоқда.
Унинг маълумотларига кўра, Обама баъзи чет эл раҳбарлари, жумладан, Нетаньяху ва Туркия президенти Ражаб Тоййиб Эрдўғон устидан махфий кузатув «АҚШ миллий хавфсизлигини таъминлаш манфаатларига жавоб бериши» ҳақида қарор қабул қилган.
Америка маъмурияти халқаро алоқа тизимларига киритилган «рақамли имплантлар»ни ўчириш ёки олиб қўйишдан бош тортди.
Нашр ёзишича, Исроил бош вазири суҳбатларини тинглашга Исроил махсус хизматлари америкалик раҳбарларни кузатаётганидан хавфсираш сабаб бўлган.
Изоҳ (0)