Нигерда шу ҳафтада давлат тўнтаришини амалга оширишга уринган 9 нафар қуролли кучлар зобити ҳибсга олинди. Бу ҳақда мамлакат ички ишлар вазири Массуду Хассуми маълум қилди, дея хабар беради «ТАСС».
Вазирнинг айтишича, «фитна режалаштирган тўққиз нафар зобит қамоққа олинган ва ҳарбий трибунал олдида жавоб беради». Куч тизими ходимларининг билдиришича, тўнтариш 18 декабрь куни амалга оширилиши лозим бўлган. Уни фитначилар режалари ва ҳаракатлари ҳақида расмийларни мунтазам равишда огоҳлантириб турган бир қатор зобитлар ҳушёрлиги, амалдаги ҳукуматга содиқлиги туфайли фош этишга муваффақ бўлинган. Мазкур ҳолат бўйича текширув давом этмоқда.
Айни пайтда Нигерда 2016 йил 21 февралда бўлиб ўтадиган президентлик сайловларига тайёргарлик кетмоқда. Амалдаги президент Махамаду Иссуфу ҳам ушбу сайловларда ўз номзодини қўйган.
Изоҳ (0)