ТАМ авиакомпаниясининг Мадриддан Сан-Паулу(Бразилия)га учган йўловчи самолёти, гўёки, бортга бомба жойлангани ҳақидаги хабар туфайли 15 декабрь, сешанбага ўтар кечаси Испания пойтахтига қайтиб келишга мажбур бўлди, дея хабар бермоқда «Интерфакс».
«Испания ҳукумати биз билан боғланиб, JJ8065 рейси бортида портловчи қурилма бўлиши мумкинлиги ҳақида маълумотлар келиб тушганини етказди», — дейилади авиакомпаниянинг Twitter’га жойлаган хабарида.
Охир-оқибат «Боинг-777» самолёти Мадридга эсон-омон қўнди, йўловчи ва экипаж аъзолари эвакуация қилинди. Бортда бомба топилган-топилмагани ҳақида хабар берилганича йўқ.
Изоҳ (0)