Россия томондан учиб келаётган вертолёт 10 декабрь, пайшанба куни Финляндия ҳаво ҳудудига бостириб кирган, сўнгра яна қўшни давлат ҳудудига қайтиб кетган. Бу ҳақда «Корреспондент.net» Финляндия чегара департаменти маълумотига таяниб хабар беради.
Хабарда таъкидланишича, номаълум вертолёт тонгги 10 лар атрофида Хапасаари оролидан тўққиз километр шарқдаги Финляндия сув ҳудуди юзаси бўйлаб ҳаво ҳудудига рухсатсиз кирган.
Департаментнинг маълум қилишича, вертолёт чегарачиларнинг радио чақирувларига жавоб бермаган, бироқ Финляндия Ҳарбий-ҳаво кучлари уни ҳаво ҳудудини бузиб ўтганлиги ҳақида икки марта огоҳлантиргандан сўнг, яна Россия ҳудудига қайтган.
Вертолёт олти дақиқа давомида Финляндия ҳаво ҳудудида бўлган.
Эслатиб ўтамиз, 10 декабрь куни Грузия мудофаа вазирлиги мамлакат ҳаво ҳудудига Россия ҳарбий вертолётлари бостириб кирганини маълум қилган эди.
Изоҳ (0)