2015 йилнинг 5—6 декабрь кунлари Тошкент ахборот технологиялари университетида Шимоли-Шарқий Европа гуруҳида дастурлаш бўйича жаҳон чемпионати ярим финал босқичи мусобақалари бўлиб ўтди. Бу ҳақда университет ахборот хизмати хабар бермоқда.
Ўзбекистондан 26, Қозоғистондан 24 ва Қирғизистондан 2 та жамоа финал йўлланмасини қўлга киритиш учун курашди.
Мусобақанинг якуний натижаларига кўра, Тошкент ахборот технологиялари университетининг 1-жамоаси Tashkent U of IT 1 еттита масала ишлаган ҳолда биринчи ўринни эгаллади. Қозоғистоннинг Kazakh-British TU 1 ва Kazakh-British TU 4 жамоалари 7 ва 6 та масала ишлаган ҳолда иккинчи ва учинчи ўринларни эгаллади.
Мусобақа бир вақтнинг ўзида, шунингдек, Санк-Петербург, Барнаул ва Тблиси шаҳарларида ҳам бўлиб ўтди. Мусобақа регламентига кўра, жамоаларга 5 соат мобайнида турли қийинликдаги 12 та масала берилди ва жамоалар уларни белгиланган дастурлаш тиллари ёрдамида энг кам вақт сарфлаб ечишлари лозим бўлди. Шимоли-Шарқий Европа гуруҳида энг яхши натижаларни қўлга киритган жамоалардан финалчилар танлаб олинади ва тез орада эълон қилинади. Финалга битта олий таълим муассасасидан фақатгина битта жамоа чиқиши мумкин.
Изоҳ (0)